PASIAN' NASEM IH CIH CIANGIN( Matthai 20:28)

Matthai‬ ‭20‬:‭28‬ ‭TDB‬‬

"Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.”

Amasa in minister cih kammal tawh kisai kei telna ciang ahong kuppih ka hihi cih nong telpih ding uh ka hong thum nuam hi. Ministers tawh kisai ei tapidaw te ii hih ziakin Pasian nasem 'minister' cih tawh ii kilim kup ding ka deih hi. Minister ii cih ciangin vaipuak lian nei pa/nu mipi adingin sepna, sawlna, genna, hilhna, lam lahna tungtawn in "na asemte" cih ii telkim ding thupi mahmah dingin ka ngaihsun hi.

Bang hang hiam ii cih ciangin Pasian nasem pawl khatte amin than uh ciang, mipi thapiakna alim ngah uh ciang, sum lut tam a neih uh ciang leh makai thupi cih mipi san theihna/sangzawhna khat a ngah khit uh ciangin amau leh amau hausa thunei, gam makaipi, kumpi sem bangin kingaihsun in mipi tungah thuneihna a uang zat nuam zanzan pawl khat zong om kha dingin ka um hi. 

Minister nasem pawlkhat te-in kei minister hing ci-in Pasian nasepna pen athupi leh amanpha pen nasep hi cih thei napi minister adeihna atellopi mah zong lompi khat mah omlai dingin ka um hi. Tua ahih man in Pasian nasem ii cih ciangin cih tawh tawm ii kikum khawm nuam hi.

1). Ministers  / Pasian nasemte 

 Minister or Pasian nasemte ii cih ciangin manglai in"minister" kici-in tua kammal pen Latin kam pan hong pai suk kammal hi a, akhiatna in "nautang"(a subordinate), "Sawltak" (a servant), "huh nasem"(assistant) cih bangin khiatna na nei hi. 

Hebrew Kam in 'ebed' kici a 'sal, sawltak'(slave or servant' cih bangin khiatna na nei to hi. Verb tawh hile 'abad' hi-in midangte' a'ding na asep sak pa/nu cih bangin khiatna na nei hi. 

Greek kam in υπηρέτης = servant=Sawltak, minister (Mat. 10:42-45), doulos = Matthew 20:26. 26, Mark 10:42-45, Mark 9:35, Hebrews 13:7, Matthew 20:25-28, Romans 1:1, John 13:12-17, Matthew 20:28, Mat. 8:9) diakoneō = minister = to serve = Sepsak... (Mat. 20:28)

2). Roman Kumpi Hun In Azatdan Uh 

Roman kumpi hun in 'minister' cih kammal pen inn sung nasem/sawltak (house servant), Biakna vai-ah biakinn sungah biakna sawltak nasemte (a servant of gods in temple), gam/mipi te' nasem (a servant of public official)cih bangin na tel uh a, tua hun lai-in Roman Empire kumpi te' hun sungin tua dan nasep asem mi-6,000,000s atawm zawlo om hi ci-in kiciam teh hi...

3) Leitung zia tawh Minister te' vaipuak  

Minister cih pen kawlpau in  "Vuandok-ဝန်ကြီး" vanpuak ding lian nei pa/nu cihna hi။ Mipi te vaipuak alubuuk ah a pua pa/nu cihna hi-in 'Chief Minister' cih leuleu ciangin "Vuandok mangpi pa-ဝန်ကြီးချုပ်" hi-in mipi vaipuak khempeuh ah ama' vaihawmna nuai ah vaipuak kinei thei bek mipi' vaipuak khempeuh abuukkhuk ding pa/nu cihna ahihi. Bangbangin ii gen zongin 'minister' cih kammal limlim pen Latin lai pan in hong mengsuk ahih zahkhop in akhiatna zong kibang kim pian in kamu hi. Minister - Servant sawltak mah na hiveve ahih man in Minister khat hihna za ngah mi khat in ama vaipuak atel tumteng kei mawk leh amakaih mipi te lung-am mahmah kha ding uh hi. 

Adiak in tulam ciang hih kammal kilimzat pian ta in kamu a, biakna sya-minister khat asuak mi khat in ama dinmun-panmun tel ding thupi mahmah dingin ka um hi. Thuneihna tawh mipi tungah thu aneih nop luat leh minister dingin qualify hiam cih etphat kul zel le kilawm zel hi.

Thuneih nopluatna (dictator), guptuam paihtuam neihna, ittuam, mai-et tuam neihna tawh tapidaw sungah ki makaihna a om loh ding ii lunggulh mahmah hi.

4). Tapidaw sungah 'Ministers te

Ih lunggulhna pulak gengawp pong hileng;

1). Minister khat in kiphatsakna, kiliatsakna, kipilsak, kisiamsakna etc...te mipi muhna pan apaih mang zawh kei uh leh zong hong sel siam le uh lunggulh huai mahmah hi.

2). Kiniamkhiat in lungsim nem in mipi lungtang atel zawh nading uh leh amau lungtang mahmah zong mipi muhna mipi' san theih in akician sinsen in alah siam te hizo le lunggulh huai mahmah hi. 

3). Thuneihnop luatna pan kikem in ana asepsak Pa Pasian zia tawh mipi akikal, liangko kim zawh nading uh ahanciampih hile lunggulh huai mahmah hi.

4). Beh, unau sangam, tanau, meltheih leh deihsak thu tawh mipi makai hikei uh hen la sup ngamna, kipum piak zawhna leh ngah kik ding lametna tawh mipi ading nasemte ahilo hilai leh lunggulh huai mahmah hi.

5) Angsung bek thei in piakkhiatna lamah mipi piak ding bekbek gengen napi ama lam pan mipi ading supna, apiakkhiatna omlo ngah ding bekbek angaihsun lo mi hilai leh nak kilungdam kankan lai dingin ka um hi. Zeisu in anungzui te khe asilsak zia te banzom in mipite hong pantah zote hilai zen leh nak kilungdam mahmah lai kha ding hi.